Sot, më datë 24 maj 2023, me kënaqësi iu përgjigjem ftesës së Drejtoreshës së Bibliotekës Komunale të Prizrenit, znj. Sahadete Sadikaj – Kukaj, për të marrë pjesë në sesionin me temë “BAZAT E SHKRIMIT DHE BOTIMIT TË NJË MONOGRAFIE”.
Unë u paraqita me kumtesën “Roli i referencave tek autorët e monografive”, ku e solla përvojën time hulumtuese e shkencore në përgatitjen e monografisë ‘Kobaja ndër shekuj’, që doli nga shtypi më 13 maj 2023.
Aktiviteti u mbajt në sallën e Asamblesë së Prizrenit, në kuadër të organizimit të Bibliotekës Kombëtare të Kosovës, ‘Java e Bibliotekës në Kosovë’, që filloi me datë 22 maj dhe pritet të mbarojë më 28 maj 2023.