KY NJERI ËSHTË PREJ XHENNETLIVE…!
Pejgamberi a.s., gjersa ishte ulur me shkokët e tij, e pa një njeri që po vinte në drejtim të tij dhe tha: Tash, po na vjen një njeri prej banorëve të xhennetit!?
Këtë e përsëriti, tri ditë rresht!
E, kjo i bëri përshtypje shokëve të tij, se çfarë ka ai njeri, për të cilin Pejgamberi a.s. dëshmoi se është prej xhennetit!?
Njeri prej shokëve, Abdullah bin Amër, vendosi ta shoqërojë njeriun për tri ditë rresht, në shtëpinë e tij, për ta parë nga afër se, çfarë është kah bën ky njeri, e që Pejgamberi a.s. dëshmoi se është prej xhennetlive.
Gjatë shoqërimit tri ditësh, e pa se nuk kishte ndonjë veçantë. Bile, i tha se unë akoma ma shumë bëj se ti!?
Rrjedhimisht, vendosi të largohej. Sapo u largua pak, njeriu e thirri: hej, Abdullah, kthehu se m’u kujtua edhe diçka, ndoshta është ajo që më bën prej xhennetlive dhe tha: “Unë e kam një veti, nuk ia dua të keqën asnjërit prej muslimanëve dhe asnjë prej tyre nuk e xhelozoj, për mirësitë që ia ka dhënë Allahu.”
Hmm, leje se kjo qenka ajo vetia, e që Pejgamberi a.s. ka thënë se je prej xhennetlive.
Unë, këtë veti nuk e kam, nuk mundem, tha sahabiu Abdullah bin Amër. (Parafrazim i hadithit, që e transmeton Enes b. Malik r.a.)
Kjo, praktikisht është paqja e brendshme!
Zot, kërkojmë mbrojtjen Tënde, prej #Covid-19 (#coronavirus)…!
Dr. Orhan Bislimaj
Prizren, 28 Mars 2020
(Nga karantina, #Covid-19)